Forensic Science Laboratory-ah thubuai 7,236 endik a ni tawh

Mizoram Forensic Science Laboratory (FSL)-ah kum 2000 aṭanga November 2016 thleng khan thubuai 7,236-ah thil chi hrang hrang 80,406 endik a ni tawh.

Thu dawn danin, FSL-in thubuai an khawihah hian thubuai pakhatah thil chi hrang hrang endik ngai a awm ṭhin. Kum 2016 bikah January-November chhung khan FSL hian thubuai 760-ah thil chi hrang hrang 10,66 4an endik a, chuta ṭang chuan an endik result 155 chu Court-ah an thehlut. Nikum chhung vek khan FSL hnathawkte chu thil thlenna hmun 115 endik ngaite endik turin an kal a ni.

Kum 2000-2015 chhunga FSL-in thubuai an khawih hnem ber kum chu 2014 kha a ni a, thubuai 1,154 an khawih a; hemi kum vek hian an thil endik tam ber kum a ni bawk a, thil chi hrang hrang 18,614 an endik a ni.

FSL hian an thil endik result hi a ṭul angin Court-ah an thehlut ṭhin a, an thehluh tam ber ṭum, kum 2015-ah chuan November thla thleng khan 538 an thehlut tawh a ni.