NABARD-in Mizoram sorkar hnenah Loan-in cheng nuai 3868.95 an pe

Mizoram sorkar chuan thuchhuah siamin, NABARD, Mizoram Regional Office-in tun hnai khan Mizoram state tan Rural Infrastructure Development Fund (RIDF-XXII) hnuaiah loan cheng nuai 3868.95 a pek thu a tarlang.

NABARD loan hi Mizoram hmun hrang hranga sikul 194 chei tharna, sak ṭhatna leh sikul choka leh chaw eina hmun sakna tur te, tui thianghlim pekna project paruk atan leh Minor Irrigation project thawhna turte a ni. Project zawng zawnga tana sum mamawh chu cheng nuai 4290.44 a ni a, NABARD loan a pek chhuah bak chu Mizoram sorkarin a tum ang.

School infrastructure leh tui in tur pekna project-te chu kum 2018-19 a zawh hman tura ruahman a ni a, Minor Irrigation project-te erawh chu kum 2019-20 ah thawh zawh tura tih a ni thung.

NABARD loan hmanna tur
l Cheng nuai 2553.58 senna tur school building sak
ṭhat, choka leh chaw eina hmun sak nan.
l Sialsir khuaa ruahtui dah kâawlna siam nan cheng nuai 296
l Darlawn tui pekna tihchangtlun nan cheng nuai 95.75
l Keiṭuma tui pekna siamṭhat nan cheng nuai 24.634
l Tuisen Bolia tui lakna atan cheng nuai 87.720
l Sialsuk leh Samlukhai tui pekna atan cheng nuai 300
l Leite leh Rotlang tui lakna atan cheng nuai 208.200
l Tuihnial Irrigation Project, Serchhip Division atan cheng nuai 99.88
l Tuilaklui, Champhai Division atan cheng nuai 224.91
l Lower Tuiphu, Aizawl Division atan cheng nuai 82.44
l Tuichhuahen Lift Irrigation, Kolasib Division atan cheng nuai 224.10
l Zobawhzau, Lunglei Division atan cheng nuai 93.23