Pavillion chei ṭhat dan tur sawiho

Mamit DC Lalbiaksangi hoin, nimin khan DC conference hall-ah Mamit GSA khelmuala pavillion chei ṭhat dan tur an sawiho.

Lalbiaksangi chuan, Mamit GSA khelmual chu national day leh sorkar ni pawimawh dangah hman ber a nih avangin tuna hman mek pavillion chu a têt thu a sawi a, "Siamṭhatna tur hian Gayatry company hnenah ṭanpuina dil a ni a, anni hian pavilion siamṭhatna tur sum an thawh a ni," a ti a; pawisa neih sain a daih lo a nih chuan department hrang hrangte chu neitu thinlung pua a ṭul ang anga thawk tlang turin a sáwm.

Meeting-ah hian sorkar department hrang hrang aiawh te, khaw­tlang hruaitute leh GSA hruaitute an tel a ni.