Lungleiah RTPCR dah turin sorkar ngen

Lunglei MZP chuan thu­chhuah siamin, Lunglei Civil Hospital-ah a rang thei ang bera Covid-19 kai leh kai loh endikna atan RTPCR dah turin sorkar an ngen.

Lunglei MZP tarlan danin, Lunglei Civil Hospital-a RTPCR dah theih a nih leh nih loh enfiahtu Expert Team-te'n an thil hmuh chhuah Health Minister hnena an thlenah dah theih a nih loh thu an tarlang lo. 

Tun dinhmunah ZMC-ah chiah Covid-19 endikna khawl kan neih avangin duhthusamin test a kal chak thei lo nia tarlangin Lunglei MZP chuan, "Sample lakkhawm chhung ringawt pawhin hun a duh rei hle a ni. Chuvangin RTPCR khawl hi Lungleiah dah ngei ni rawh se tih hi kan duhdan leh ngaihdan a ni. Chu chuan Lunglei mai bakah chhim lam district  - Lawngtlai, Siaha leh Hnahthial te tan pawh harsatna tam tak a sukiang thei dawn a ni," an ti.

Lunglei MZP chuan Lunglei Civil Hospital-a thawktute'n RTPCR dahna turin a hmunhma a ṭhat tawk thu sawiin, "Mizoramah Lunglei district hi Co­vid-19 kai tamna ber district niin hei hian mipui a ti thlamuang lo hle. Chuvangin, Covid-19 laka kan hima kan dam khawchhuah ngei  theih na turin a rang thei ang bera RTPCR min dahsak turin sorkar kan ngen tak meuh meuh a ni," a ti a, RTPCR hi Lungleia a awm ngei theihna atan hma an lak zel tur thu an tarlang.