Ráltlânte zirna chungchang sawipui

MZP General Headquarters hruaitute chuan nimin khan School Education minister Lalchhandama Ralte chu a pisaah hmuin, Mizorama Myanmar ráltlânte zinga zirlaite'n zirna an chhunzawm theih dan tur an sawipui.

MZP tarlan danin, ráltlân zinga zirna document/certificate felfai tak nei tan Mizoram sikula admission leh zirna chhunzawm kawngah harsatna a awm loh tur thu Education Minister chuan a sawi.

MZP hruaitute chuan nimin vêk khan Mizoram Board of School Education (MBSE) hotute an hmu a; HSLC leh HSSLC exam neih zawh tâkah result dik leh felfai zawk a awm theih nan theihtawp chhuah turin an ngen a ni.