Forest hnathawkte intuaithar

Environment, Forest & Climate Change (EFCC) department hnathawkte chuan, Nilaini khan PCCF conference hall-ah an minister Lalrinmawia Ralte hoin kum thar atan inhlan tharna leh intuai tharna hun an hmang.

Lalrinmawia Ralte chuan, kum thar tir aṭangin department tan nasa zawka inpe turin thawk­tute a sáwm a, "Kum kal ta aiin kum tharah hian mi dangte tana ṭangkai zawka thawk a, a bik takin dawrtu mipuite tan biak nuam leh inhawng zawka thawh ṭheuh i tum ang u," a ti.

EFCC Minister chuan, thiamna sang leh zir sang tak tak tam takin sorkarah hna nghet an hmuh theih loh laiin, sorkara hna nghet nei theia lutte chu an vanneih tak zet tih sawiin, lawm nacháng hria a, hlawh leh service dinhmunahte mi dang ît mai loa lungawi thiam turin a chah.