Cheng vaibelchhe 132.5 a thlen belh
Nimin khan Mizoramah pawisa fai cheng vbc. 132.5 a lo thlen belh leh a, hei hi kumin chhunga Mizoramin pawisa hlawm lian a dawn hmasak ber a ni.
State Bank of India (SBI) hotute hnen aṭanga thu dawn danin, pawisa lo thleng hi Rs. 2,000 note cheng vbc. 80, Rs. 500 note cheng vbc. 45, Rs. 100 note cheng nuai 200 leh Rs. 50 note cheng nuai 500 a ni.
Tun ṭuma pawisa lo thleng hi November 8, 2016-a Rs. 500 leh 1,000 tih thih a nih hnua Mizoramin pawisa hlawm lian ṭum sarih a dawnna a ni tawh a, nikum chhung khan cheng vbc. 1,239 dawn hman a ni.
SBI hotute chuan, RBI aṭanga thu an hmuh angin pawisa lo thleng thar hi a rualkhai thei ang bera sem chhuah a ni dawn tih an sawi.