National Science Congress-a telte Lawmna hun STAM-in hmang

Science Teachers’ Association of Mizoram (STAM) chuan, nimin khan an pisaah Baramati, Maharashtra-a December 27-31, 2016 chhunga 24th. National Children Science Congress kalte hmuahna leh lawmna inkhawm an buatsaih a; chief scientific officer Dr RK Lallianthanga'n a hmanpui.

Dr RK Lallianthanga chuan, National Children Science Congress-a zirlai pariat an kal thei chu lawmawm a tih thu sawiin, hlawhtlinna leh hmasawnna tak tak nei turin project siamte chu a thu (theory) mai ni lo, a taka hmuh theih tura chhawp chhuah tel zel a ṭul thu a sawi. Dr RK Lallianthanga hian child scientist-te hnenah certi­ficate leh medal a hlan a ni.

Children Science Cong­ress thupui chu 'Science, Technology & Innova­tion for Sustainable Develop­ment' tih a ni a; India ram state hrang hrang leh India ram páwn aṭanga tel child scientist-te an project siam ṭheuh hmangin an intihsiak a, project 700 chuang a lut a ni.