MGNREGA leh PMAY sawiho
Rural Development department chuan, nimin khan Aijal Club-ah Mahatma Gandhi National Rural Employment Guarantee Act (MGNREGA) leh Pradhan Mantri Awas Yojana (PMAY)-te district leh RD block hrang hranga kalpui a nih dan an thlirho a; chak zawka hmalak zel theih dan tur an sawiho nghal.
Meeting hi RD secretary Lalhmingthanga'n a kaihruai a; district hrang hranga MGNREGA leh PMAY hnuaia hnathawh dan enho a nih hnuah, awmze nei zawk leh ṭha zawka centrally sponsored scheme pahnihte kalpui a nih theih nan ruahmanna hrang hrang an siam.
MGNREGA-ah hian kum 2016-17 chhunga hnathawh theih tur hrang hrang te, job card leh Aadhaar number thlun zawm te, MGNREGA hnuaia hna thawhte geo-tagging hmanga chhinchhiahte leh kum 2017-18 chhhung atan labour budget mamawh dan turte an rêl a ni.
PMAY-ah hian district tina in sak zawh zat leh beneficiary-te hnena sum pek tawh dinhmun leh bank hrang hrang nena inthlunzawm dante sawiho a ni bawk.