Kolasib DC-in zirnaa hmasawn dan tur zirtirtute a sawipui

Kolasib DC H Lalengmawia chuan nimin khan a pisaah Mizoram Primary Teacher Association (MPTA) sub-headquarter, Kolasib hruaitute a kâwm a, zirna lama hmasawn zel dan tur a sawipui.

Kolasib DC chuan, zirtirtute chu ram hmasawnna kawngah a fawng pawimawh ber an nih avang­in, thil dang zawng aiin zirtir hna ngai pawi­mawh hmasa ber a, an zirlaite an ngaih pawimawh a ṭul thu a sawi a; Kolasib-ah zirnain hma a sâwn zel theih nan ṭan la zual tur leh zirlaite mai ni lo, an awmna khua ṭheuha mipui hnenah zirna pawimawhzia hrilh ṭhin turin a chah.

MPTA hruaitute pawhin Kolasib DC hi zirna hmasawnna atana hmalakpui zel turin an sáwm a ni.