MPCY-in BJP in lei dan an sawisel

MPC party ṭhalai chuan thu­chhuah siamin, BJP Mizoram Pradesh-in Aizawla an party pisa atana Assembly speaker Hipheia in, Upper Republic-a mi cheng nuai 220-a an lei chuan Narendra Modi-a leh BJP party-in corruption donaa ke an pên tak tak lohzia a tilang hlea an ngaih thu an tarlang.

MPCY chuan, Income Tax danah, Election Commission of India (ECI) pawmpui political party-te'n Rs. 20,000 aia tam senna turah crossed cheque chauha pek chhuah phal a nih laiin, sorkar laipuia BJP kaihhruai sorkarin India ram state hrang hranga an party pisa tur lei nan bank kaltlang loin sum tam tham tak tak an pe chhuak ṭhin niin an sawi a, "Bihar-ah phei chuan party office lei nana BJP sum chelek dan hian buaina nasa tak a hring nghe nghe," an ti.

MPCY chuan, Aizawla BJP pisa tur lei danah bank kaltkanga tih a nih leh nih loh te, Rs. 500 emaw, Rs. 1,000 emaw note thi hman a nih leh nih lohte chhui chiang turin Mizoram sorkar an ngen a ni.