Zangnadawmnaah cess pe tel dawn

National Highway-54 Aizawl leh Tuipang inkar laih zauh avanga Serchhip district-a zangnadawmna pek chhuah tawhte chu cess 15% pek leh vek tur a nih thu Serchhip district bawrhsap Nazuk Kumar, Competent Authority for Land Acquisition ni bawk chuan nimin khan a tarlang.

Nazuk Kumar chuan, NH-54 Aizawl-Tui­pang inkar kawng zauh vanga Serchhip district-a zangnadawmna pek chhuah tawhteah sorkar thuchhuak angin zangnadawmna dawng­tute chu cess 15% pek tel an ni lo tih a tarlang a, "Gauhati High Court chuan 15% cess pek loh zawng zawng hi pek leh vek tur a ni tih thupek a chhuah a, Court thupek ang hian Mizoram sorkar chuan 15% cess pek tel loh hi a dawngtu turte'n an hmuh vat theihna turin hma a la mek a ni," a ti. Cess 15% pek leh vek tur a nih avangin mipuite chu mahni sum senga Court-a kal emaw, ukil emaw ruai lo turin a chah a ni.