Farmers Fair buatsaih a ni

India ram zalenna kum 75 tlin lawmna Azadi Ka Amrit Mahotsav pualin sorkar laipui chuan nimin khan Kisan Mela/Farmers Fair a buatsaih a, Agriculture leh Cooperation minister Narender Singh Tomar-a'n a hawng.

Kisan Mela/Farmers Fair hi India ram puma Krishi Vigyan Kendra (KVK) kaltlanga buatsaih a ni a; Mizoramah chuan Agriculture Directorate leh district hrang hranga KVK-te bakah, Agriculture, Horticulture, Fisheries, AH&Vety, IPR, ATMA, FOCUS, ICAR leh NABARD hmunahte buatsaih a ni.

District tinah Kisan Mela/Farmers Fair pual hian exhibition buatsaih a ni a, department-te leh loneitute thar chhuah hrang hrang mipui tana lei theiha pho chhuah a nih bakah, kut hnathawktute puala scheme leh harsatna hrang hrang sawihona hun buatsaih a ni.

Azadi ka Amrit Mahotsav hi India ram pumah March 12, 2021 aṭang khan kalpui a ni a, August 15, 2023 thleng kalpui tum a ni.