Champhai dist-ah vaimim chi chhungkua 1,014 pe tawh
Champhai District Committee on SEDP chu nimin khan an chairman James Lalrinchhana, district bawrhsap hoin an ṭhukhawm. SEDP kaltlangin chhungkua 1,014 hnenah vaimim chî pek a nih tawh thu leh chhungkaw 200-te rua chìntír tura hmalak mek a nih thu tarlan a ni.
Ṭhutkhawma tarlan danin, SEDP hnuaiah Agriculture department kaltlangin vaimím chíng tura thlan mi 1,014 hnenah vaimim chi kg. 20 ṭheuh pek a ni tawh a, chu'ngte chu Champhai North bialah chhungkua 264, Champhai South-ah chhungkua 300 leh East Tuipuiah chhungkua 450 an ni.
Vaimim chìn zawhah bekang chíng leh tura ruahman a ni a, fu huan siam tur chhungkua Champhai North bialah pakua, Champhai South-ah 78 leh East Tuipuiah 11, an vaiin mi 98 thlan a ni tawh.
SEDP ṭanpuina dawng turin leilet (WRC) siam chhungkua 462 thlan a ni a, Champhai North bialah mi 116, Champhai South-ah mi 204 leh East Tuipuiah mi 142 thlan a ni. Leilet buh bakah, thlasikah chána chíng tura ruahman a ni bawk.
AH&Vety department hnuaiah rainbow rooster layer farming atan chhungkua paruk leh broiler farming hnuaiah chhungkua 37 hnenah SEDP first instalment leh second instalment pek a ni tawh a, third instalment pek mai theih tura buaipui a ni.
Horticulture department hnuaiah SEDP 2019-20 kaltlangin Ngur khuaa chhungkua 20 leh Mualkawia chhungkua 20-te chu sapthei chìntir an ni a; SEDP 2020-21 chhungin a enkawlna tur ṭanpuina pek a ni bawk.
Champhai district-ah rua chíng tur chhungkua 200 thlan a ni a; chu'ngte chu Champhai North bialah chhungkua 50, Champhai South-ah 75 leh East Tuipuiah 75 an ni.