Save Chite Lui Committee sîksawi

Mizoram sorkar chuan notification ti chhuakin, Save Chite Lui Coordination Committee leh Save Chite Lui Executive Committee member-te a sîksawi a, nodal department chu EFCC department a ni.

Committee chairman chu Chief Minister a ni a, Deputy Chief Minister leh EFCC Minister-te chu vice chairman niin, Governor chu patron a ni. Committee member zingah Planning Board Vice Chairman, AMC Mayor, Chief Secretary, DGP, MZU Vice Chancellor, PCCF, Mizoram Pollution Control Board Chairman leh Aizawl DC-te an tel a; Chite luiin a luan tlang MLA constituency pasarih bialtu MLA-te an tel bakah, Mizoram sorkara secretary 12 leh kohhran leh tlawmngai pawl aiawhte an tel bawk.

Executive Committee chairman chu Chief Secretary niin, vice chairman chu Rin Sanga, IAS (Rtd) leh PCCF an ni a, sorkar aiawh mi 17 an tel. Central YMA, Mizoram Architect Forum leh Aizawl City Local Council Association aiawhte bakah expert member an tel bawk a ni.

Mizoram Legislative Assembly-ah The Chite Lui (Prevention and Control of Water Pollution) Act, 2018 chu pawm a ni a, The Chite Lui (Prevention and Control of Water Pollution) Rules, 2019 pawh pawm a ni tawh bawk.