College-ah lirthei khalh chungchang zirho

J Thankima College NSS leh Traffic SP Office chuan nimin khan J Thankima College-ah zirlaite pualin 'Traffic Rules and Driving Etiquette' chungchangah awareness campaign an buatsaih.

Awareness campaign-ah hian J Thankima College-a thawktu leh zirlai 120 an tel a, Traffic deputy SP K Laltluang­liana leh officer in-charge H Lalṭanpuia ten traffic rules leh lirthei khalha hriat tur ṭul leh tih leh tih loh turte an sawi.

Traffic official-te chuan, Aizawlah lirthei a pun nasat thu te, lirthei pung zelah a khalhtute leh mipuite'n hriat tur tam tâk an neih thu te, lirthei khalh fimkhur loh avangin thihna a thlen ṭhin thu te, fimkhurnain nunna a chhanhim theih thu te, lirtheiin mi a tihpalhin thiam zawk anga lang chung pawhin fihlîm a harsat thu leh mi tihpalhte hliam buaipui leh insenso a ngaih zui tho thu te, hawihhâwmna nena lirthei khalhin a khalhtu leh mipui tan awlsamna a thlen theih thute an sawi a ni.