Minister-in Book of the Year lawmpui

Minister of state Lalchhandama Ralte chuan nimin khan a pisaah Mizo Academy of Letter-in Book of the Year 2021-a an thlan, 'Hnam ropuite u, tho r'u le' tih ziaktu Lalhruaitluanga Chawngte lawmpuina hun a buatsaih.

Lalchhandama Ralte chuan, 'Hnam ropui te u, tho ru le' tih chuan Mizo hnam ropuina te, an duai bik lohzia te, an chungnunnate a pho lan thu sawiin, "Hnam kan nih anga lawm a, inchhuang a, he hnam ropuina atana ke pên zel tur kan ni. Mizote kan ṭhatna leh kan nun ziaa a chhuanawm lai pho lanna a nih avangin Mizo zirlaite nun kaihhruaina atan a tam thei ang berin an chhiar a ṭul," a ti.

Book of the Year 2021 lawmpuinaah hian minister of state Lalruatkima leh lehkhabu ziaktu Lalhruaitluanga Chawngte te pawhin thu an sawi a ni.