SBI-in lukhum leina tur Traffic an pe

State Bank of India (SBI) chuan nimin khan Aizawl traffic police-te lukhum leina tur

Rs 1,00,000 an pe a; SBI regional manager LP Lalchangkima'n Traffic SP Rodingliana Chawngthu hnenah a hlân.

Thilpek inhlanna inkhawm hi Traffic SP pisaah neih a ni a; LP Lalchangkima chuan, traffic police-te hnathawh fakawm a tih thu sawiin, SBI hnathawkte hriatthiamna sang neia an dawnsawn ṭhinnaah an lawm thu a sawi a; kum kal ta khan SBI-in corporate social responsibility aṭangin Covid-19 do nan Health department-ah cheng nuai 200 vel hû bungraw hrang hrang an pek thu leh traffic police-te hâk tur jacket leina atan Rs 3,00,000 an thawh tawh thu a sawi bawk.

Traffic SP Rodingliana Chawngthu chuan, SBI aṭanga sum an dawn hmangin lukhum 400 an chah nghal dawn thu leh, hman bâng a awm chuan traffic police-in charity box an siamah an chhùn luh tur thu a sawi.

Traffic SP sawi danin, tun hma lama traffic police-te'n lukhum an khum ṭhin chu Bangladesh aṭanga lak luh, pakhat Rs 100 man a ni a; SBI sum pek hmanga an lei tur erawh chu a hma aia ṭha zawk, Delhi aṭanga lak luh tum a ni.