YMA Kumpuan bawhzui

YMA, Tlabung Branch-a Kumpuan Sub-Committee hruaitute chuan nimin khan YMA kumpuan 'Ram leh hnam humhalh' tih bawhzuiin, Tlabung damdawi-ina senior medical officer an kawm a; birth certificate pek chhuah chungchang an sawipui.

Tlabung YMA Kumpuan Sub-Committee hruaitute chuan, Tlabung leh a chhehvelah ramri boruak a rálmuan avanga awlsam taka ramri kân theih a nih avangin, Tlabung damdawi-ina nau nei ṭhenkhat chu ram dang mi an nih a rinhlelhawm ṭhin tih an sawi a, chuvang chuan fimkhur zawka birth certificate pek chhuah a ṭul thu an sawi a ni.