MLA-in Health Clinic Centre a hawng

Human Resource Development Board vice chairman L Thangmawia, MLA chuan nimin khan Sihphir Neihbawih Health Clinic Centre thar a hawng a; zu leh sa leh mipat hmeichhiatnaa fihlim chief minister Mizoramin a nei nia sawiin, Kristianna nen a inhmeh hle tih a sawi.

L Thangmawia chuan, hripui vanga hun harsa hmachhawn tura Pathianin chief minister Zoramthanga a dah chu Mizoram tan malsawmna a nih thu sawiin, "Mi inngaitlawm leh taima, zu leh sa leh mipat hmeichhiatnaa fihlim CM kan nei ringawt pawh hi kan Kristianna nen a inhmeh hle a ni," a ti.

Aizawl East-I bial chu Chief Minister bial a nih avangin duhsakna tam tak an dawn thu sawiin, chu'ngte chu hmuh hmaih lo turin L Thangmawia chuan Neihbawih mipui a chah a; CM Zoramthanga ṭawiawm zel turin East-I bial mipui a sáwm bawk.