Sorkarin ukil 49 a ruai

Mizoram sorkar chuan District Court hrang hrang, Gauhati High Court leh Supreme Court-ah ukil 49 a ruai mek a; an rawih tamna ber Aizawl District & Session Court-ah ukil 21 rawih a ni.

Mizoram sorkar hian India rama rorelna sang ber Supreme Court atan ukil pathum a ruai a; Standing Counsel for Mizoram, Panel of Advo­cate for Mizoram leh Advo­cate on Panel-te an ni.

Gauhati High Court atan ukil paruk rawih a ni a, Aizawl Bench leh Principal Seat atan pathum ve ve rawih an ni. Aizawl Bench-a mite leh Principal Seat-a mite chu Advocate General-in a ho ve ve.

Aizawl District Court-a ukil 21 rawih zinga 13 chu criminal side-ah a ni a, pariat chu civil side atan a ni. District danga ukil rawih dan chu - Lungleiah panga, Kolasib leh Champhaiah pathum ve ve, Serchhip leh Mamitah pahnih ve ve leh, Siaha leh Lawngtlaiah pakhat ve ve a ni.