Vantawng Khawhthla sàn záwng teh

Zotrek leh Mission Veng Youth Adventure Club-te chuan, January 6-7, 2017 khan Mizorama tui khawthla sang ber Vantawng Khawthlahah kalin, a sàn záwng dik tak hriat tumin an teh a, mi 30 an kal. Vantawng Khawhthla sân zawng anga sawi ṭhin chu a dik loa an hriat thu an sawi.

A hmuna kal, Then­zawla ni tin chan­chinbu 'Vantawng' editor Liantluanga Renthlei hnen aṭanga thu dawn danin, Vantawng Khawh­thla lú aṭanga uaithlak nan hrui metre 200 (ft. 660)-a hman a ni a, a hnuaia Vantawng lí an thlen thlakin an hrui hman chu a la chuang nual a, a chuang zat erawh an sawi thei rih lo. Hei vang hian ft. 660 aia sang lo a ni-ah an ngai.

Hetih lai hian, zirlaibu ṭhenkhatah chuan Vantawng Khawhthla sàn zawng hi ft. 751 tih a ni a, chu chu Wikepedia-ah pawh a inziah dan a ni. Ft. 751 tih a nih avang hian India rama tui khawhthla sang 12-na anga chhinchhiah a ni bawk.

Zotrek leh Mission Veng Youth Adventure Club-te chuan, Vantawng Khawthla chu uluk zawka la teh nawn leh an tum thu an sawi.