Tualthattu na taka hrem phût

Republic Veng Joint Action Committee (JAC) chuan thuchhuah siamin, January 9, 2015 zana an veng pa, Sangliansiama te chhungkuaa mi panga thattu chu a na thei ang bera hrem an phût tih an tarlang.

Vawiin January 9 hi kum hnih liam taa Republic Venga tualthahna thlen champha a ni a; Republic Veng JAC chuan, kum 2015-a January 9 zana thil thleng chu an theihnghilh thei lo tih sawiin, "Kha mi zana thil thleng rapthlak tak kha kan theihnghilh tawh dawn lo. Tualthahnaa mawhphurtu Laltlanchhuaha hi a rang thei ang ber leh a na thei ang bera hrem turin thuneitute kan phût tlat a, witness-te thâ tichak turin Republic Veng JAC chuan chak takin hma a la zel dawn a ni," an ti.