Lunglei-in inthiarna nei kim

Lunglei DC Lalzarmawii chuan, nimin khan a pisa-ah Lunglei khawpui chu inthiarna mumal nei lo awm lohna Open Defecation Free (ODF) ah a puang.

Lunglei khawpui chhunga school naupang, zirtirtu, tlawmngai pawl leh Village Council-ten ODF district-ah an inpuan hnuin, December 13, 2016 khan preliminary declaration-in Lunglei khawpui chu ODF) ah puan a ni a, ni 15 chhung mipui ngaihdan lakna hun hawn a nih hnuin, nimin khan ODF-ah puan a ni ta a ni.

Final Declaration neih a nih hnu hian Quality Council of India (QCI)-te chu third party monitoring nei tura beisei an ni a, sorkar laipuiin a pawm hunah official-a Open Defecation Free-ah puan a ni dawn a ni.

Lunglei khawpui bakah hian Lunglei district chhunga census Town pahnih - Hnahthial leh Tlabungahte Open Defecation Free-a puang turin rua-hmanna kalpui mek a ni.