Feb-ah Bru hruaikir tum

Tripura Bru Refugee Camp paruka Mizoram mi awmte lak kir hun atan February chawhkar hnihna tinzawn a ni. Home Ministry-a special secretary Mahesh Kumar Singla kaihhruaia January 7-a New Delhi-a ṭhukhawmin chuan he thu hi a rel.

Thudawn danin, New Delhi-a inbiaknaah hian Mizoram sorkar aiawhin Home addl. secretary Lalbiakzama an tel a, Tripura sorkar leh refugee camp-a Bru aiawhte an tel lo.

Refugee camp-a Bru awmte Mizoram khua leh tui dik tak an nih leh nih loh enfiah zawh takah chhungkuaa 5,413-a mi 32,857 te chu hruaikir tura tih an ni a, enfiahna hmasa aia hruaikir tur an tam avang hian sorkar laipuiah sum dil belh a ni.