MYC Chairman-in IPAC neihna tur a tlawh

Mizoram Youth Com­mission (MYC) chairman Dr Vanlalṭanpuia chuan Feb­ruary 13 aṭanga Interna­tional Paragliding Accuracy Championship 2020 (IPAC) neihna tur, Serchhip rama Bawngchâwm tlang chu nimin khan a tlawh.

Dr Vanlalṭanpuia chuan, ṭhalai hmasawnna tur leh khualzin hîpna tura International Paragliding Accuracy Championship buatsaih a ni tur chu lawmawm a tih thu sawiin, MYC chu tih theih a neih a awm chuan ti tura an inhuam thu a sawi a; Lungleiah hot air balloon chuan theihna hmun siam tum a nih thu leh, IAS coaching centre din tum a nih thu a sawi bawk.

International Para­gliding Accuracy Cham­pionship buatsaih turah hian South Korea, India, Kazakstan, Afgha­nistan leh Nepal aṭangtein­ hming pe an awm a; Macedonia leh Slo­venia aṭangin endiktu an tel dawn a ni. Tun dinhmunah inbuatsaihna 95% vel zawh a ni tawh.