Khawzawlah Flower Show leh Quiz

Azadi Ka Amrit Mahotsav pualin nimin khan Khawzawl Electric Branch YMA Hall-ah Flowers Show leh High School Quiz Competition buatsaih a ni a, district bawrhsap CC Lalchhuangkima’n a hawng.

Flowers Show hi Khawzawl DC Office leh Khawzawl Florists Association-te buatsaih a ni a, High School Quiz Competition chu DC Office leh Khawzawl District Education Office-te buatsaih a ni thung.

Flowers Show-ah category 10 awmin, pakhatna aṭanga pathumnate hnenah lawmman pawisa leh thuchei hlan a ni a; HS Quiz Competition-ah high school paruk an tel a, Model High School pakhatna niin, Presbyterian English School, Khawzawl chu pahnihna an ni.