Lei chimin mi pakhat a delh hlum

Nimin tlai dar 5 vel khan Chawnpui Vengthlanga RB Gurung, Kanan Vengin in a sak mekna chhak lama ko a chim a, mi pakhat a chhilh hlum a, mi dang pahnih an hliam.

Chawnpui Branch YMA hruaitute hnen aṭanga thu dawn danin, ko chimin a chhilh hlum hi mistiri Lalmuanpuia (50) s/o PC Lalremmawia, Chawnpui a ni a, nizan dar 7:30 vel khan a ruang lak chhuah a ni. Ko chimna bul hnaia awm nu pakhat leh naupang pakhat pawh an hliam a, damdawi-inah hruai ni mah se, an na lutuk lo nia thu dawn a ni.