KHAWTHLIR

Handloom Expo
Ministry of Textiles leh Mizoram Apex Handloom & Handicraft Cooperative Societry Ltd. (MAHCO) ṭangkawp chuan nimin khan Transport office building tharah 'MAHCO Special Handloom Expo' an buatsaih ṭan a, Indian Society on Tobacco & Health (Mizoram Chapter) president Lal Riliani'n a hawng. Expo hian ni 15 chhung a awh dawn a, dawr 30 hawn a ni.

US Ambassador
US Ambassador to India Richard Verma chuan naktuk hian zan khat chám turin Mizoram a rawn tlawh dawn. US palai hian Governor Lt. Gen. Nirbhay Sharma, chief minister Lal Thanhawla, Excise & Narcotics secretary Benjamina leh commissioner Lalhmunsanga leh, MSACS project director Dr Lalmalsawmi Sailo-te a kâwm ang.

Man zat
Kolasib-a Excise & Narcotics department chuan kum 2016 chhung khan Mizoram Liquor Prohibition and Control (MLPC) Act 2014, hnuaiah mi 63 manin thubuai 67 an ziak lut a; dan bawihchhia an man, pawisa an chawitir zat tlingkhawm chu Rs. 1,43,880 a ni.

Thisen pe
Association for Voluntary Blood Donation (AVDB), Serchhip Branch ngenna angin Serchhipa 10 Assam Rifle-te chuan nimin khan Serchhip District Hospital tan thisen unit 40 an pe. Serchhip AVDB chuan, Serchhip Blood Bank-ah thisen dahkhawl tur a awm loh vanga harsatna a thlen avangin Assam Rifle-te chu thisen pe turin an ngen tih an tarlang.

Pisa hawng
Mizoram People Forum (MPF) chuan nimin khan kumin atan an pisa an hawng. MPF pisa hawn inkhawm hi an vice president Rev. B Sangthanga'n kaihruaiin, general secretary Rev. Dr. R Lalbiakmawia chuan sorkar ṭha leh inrelbawlna ṭha chungchang zirhona district hrang hrangah buatsaih tum a nih thu a sawi.