Union Minister-in Mamit a tlawh

Zan hnih riaka Mizo­rama rawn zin Chemicals & Fertilizers leh New & Renewable Energy chang­tu minister of state Bhag­wanth Khuba chuan nimin khan Mamit a tlawh a, DC conference hall-ah sorkar hotu te, khaw­tlang hruaitute leh tlawmngai pawl hruaitute nen hmasawnna scheme hrang hrang kalpui mek dan an sawiho.

Union Minister hian Mamit Model M/S-I, Mamit Anganwadi Cen­tre-II, District Hospital-a LaQshya Certified Labour Room, Bawngva Angan­wadi Centre-II leh Bawngva Upper Primary School-te a tlawh a, Aspirational District programme hnuaia hmalakna hrang hrang a enfiah.

Minister Bhagwanth Khuba hi Mamit bialtu MLA H Lalzirliana, Mamit DC leh SP bakah, sorkar official-te leh khawtlang hruaitute'n lo dawngsawngin an ṭawiawm a ni.

Bhagwanth Khuba hian April 28, Ningani tlai khan chief minister Zoramthanga chu CM banglaah a kâwm. Khuba chuan, a enkawl ministry kaihhnawiha Mizorama sorkar hmalakna leh din­hmunte hre chiang tura rawn zin a nih thu Chief Minister a hrilh a; Mizoram sorkara official-te nen an inkâwm a, thil chi hrang hrang an sawiho thu a sawi.

Union Minister leh Chief Minister hian Mizo­ram economy dinhmun an sawi dun a, ni zung chakna, tui tha chakna leh thli chakna hmanga kawlphetha siam chhuah lama hmalak zel dan turte an sawi dun a ni.