Mamit Dist. Hospital-a doctor sawn chhuak turin MLA ngen

Mamit Ṭhalai Pawl (MṬP) chuan, Mamit Dis­trict Hospital-a medical officer Dr Lalfak­zuala Hrahsel chu a rang thei ang bera sawn chhuak tur leh a thlâktu tur ngaihtuahsak turin Mamit bialtu MLA H Lalzirliana an ngen.

MṬP-in bialtu MLA H Lalzirliana hnena ziaka ngenna an thlena an tarlan danin, April 26, 2022 khan District Hospital-a MO Dr Lalfakzuala Hrahsel chu OPD-ah ṭhuin a muthlu a, damlo ṭhenkhat chu beidawngin an khaw panin an haw hial a ni.

Dr Lalfakzuala Hrah­sel chu OPD-ah a rûi ni ngeia an hriat thu tarlangin MṬP chuan, a awm dan chu Mamit district mipui zahlohna leh hmuhsitnaa an ngaih thu an tarlang a; rang taka sawn chhuak a, a thlâktu ngaihtuahsak turin MLA an ngen a ni.

MLA hnena lehkha an thehluhah hian MṬP secretary Benedic Lalrelkima’n hming a ziak a; an lehkha copy chu Mamit DC leh District Hospital Medical Superintendent hnenah an pe bawk.