Health Mela (Hriselna Kûtpui) buatsaih

Azadi Ka Amrit Mahotsav puala Mizoram RD block tina Health Mela (Hriselna Kûtpui) buatsaih kal mekah nimin khan Bunghmun RD Block tan Buarpui damdawi-in (PHC)-ah Health Mela buatsaih a ni a, bialtu MLA C Lalrinsanga, minister-in a hmanpui. Mela-ah hian doctor 17 leh thawktu dangte an ṭhu a, clinic leh stall 18 a awm a ni. Tipa (Tuipang)-ah pawh Tipa RD block tan Hriselna Kutpui nimin khan buatsaih a ni a, Siaha DC Lalsangliana'n a hawng. Tipa-a Health Mela buatsaih-ah hian stall 22 a awm a, mipui hriselna dinhmun endik a nih bakah, awareness campaign neih a ni.

(Thlalak: Tipa-a Hriselna Kûtpui)