Vawk khuahkhirhna thupek

Vawk pûl hri, African Swine Fever (ASF) laka invên nan Khawzawl bawrhsap CC Lalchhuangkima chuan nimin khan vawk khuahkhirhna thupek a tichhuak. Thupek hi thla hnih chhung hman tur a ni a, bawhchhiate chu IPC Section 188 hmanga hrem theih an ni.

Bawhsap chuan, district páwn bakah district chhung khaw dang aṭanga vawk, vawk notê, vawk sa rêp leh vawk sa aṭanga thil siamte lak luh a khap a; ASF vei nia rinhlelh vawk damlo leh thite chu rang taka sorkar thuneitute hriattir tur leh vawk thite chu ft. 6-a thûkah chinai nen phûm tur a nih thu a tarlang.