SEDP Governing Board ṭhukhawm

Chief minister Zoramthanga hoin nimin khan Chief Minister's Office-a Cabinet Meeting room-ah SEDP Governing Board an ṭhu a; SEDP hnuaia 'family oriented' hmalakna hnuaia trade hrang hrang thlan theih leh a kalphung tur an thlirho.

SEDP Governing Board ṭhukhawm chuan, Executive Board-in SEDP hnuaia 'family oriented' hmalaknaa trade hrang hrang thlan theih leh a kalphung tur a chhawp chhuahte an thlirho a, siamṭhat ngai leh belh ngaite an sawiho a ni.

Family oriented SEDP chuan mahnia eizawnna (self-employment leh kut hnathawh) bul ṭan nan leh, chutiang lama eizawnna kalpui mektute'n hma an sawn zel theih nana an hman tur ṭanpuina pek a, mimal leh chhungkua a tam thei ang ber dinhmun ṭha zawka hlân kai chu a thil tum a nih thu sorkar thuchhuakin a tarlang.

Ṭhutkhawmah hian deputy chief minister Tawnluia, minister pahnih Lalchamliana leh R Lalzirliana, Planning Board vice chairman H Rammawi leh Planning & Programme Implementation secretary Lalmalsawma Pachuau te an tel a ni.