In sak ṭanpuina chungchang sawiho

Pradhan Mantri Awas Yojana - Housing for All (Urban) Kolasib District Screening Committee chu bawrhsap John LT Sanga hoin nimin khan DC conference hall-ah an ṭhukhawm a; Kolasib, Kawnpui, Bairabi leh Vairengte aṭanga in sak ṭanpuina dilna lutte an thlirho bakah, dilna thehluh theih hun chu May 2022 chhung pawhsei an rêl.

Ṭhutkhawmah hian lehkha pawimawh thil tel kim loh vang te, mahni duh thua inhnûkdâwk te, pém te, hamṭhatna thuhmun dil kawp leh tehfunga tlin loh vanga dilna hnâwl ngaite enho a ni a; in sak ṭanpuina la dil thei awm zat Kolasib-ah 132, Kawnpui tan pasarih leh Vairengte tan palite chu hnawhkhah vat a nih theih nan VC leh UDPA department-a thawkte hmalak dan tur sawiho a ni bawk.