KHAWTHLIR

AR Tour
Assam Rifles-in Lunglei district-a zirlai naupang 18-te tan National Integration Tour an buatsaih a, nimin khan Lungleia 1st. AR hmun aṭangin AR 23 Sector Deputy Inspector General leh 1st. AR Commandant-te'n an vai liam. Tour-a kalte hi ni 14 chhungin Kolkata, Pune leh Mumbai-te fanpui an ni ang.

Lawmman lawm
Mamit district-a Health department chuan, Mamit District Hospital-in damdawi-in fai (Kalyakalp) lawmman an dawn chu Thawhlehni khan an lawm. Lawmna inkhawm hi medical superintendent Dr PC Lalliannghaka'n a kaihruai a, Mamit addl. DC H Lianzela'n a hmanpui a; kum 2017 atana inhlan tharna hun an hmang nghal bawk.

Damdawi-in report
Kum 2016 chhung khan Mamit District Hospital-ah mi 18,932 an inentir a, an zinga mi 3,115 chu admit an ni. Nau piang 221 awmin, mipa 107 leh hmeichhia 114 an ni a, mitthi 29 an awm bawk.

Rakzu man
Aizawla Excise & Narcotics staff-te chuan, Thawhlehni khan Rangvamual ramah zu enfiah beihpui an thlâk a, rakzu litre 100 leh zu thlawrna bêl 12 an man a, zu bilh lai ṭín 840 an tichhe bawk.

Gas enfiah
Serchhip District Consumer Association, YMA Sub-Hqrs. Serchhip, Legal Metrology leh Supply department-te chuan nimin khan New Serchhipa MIZOFED gas sem tur an endik a, bûk dik lo leh felhlel an hmu lo. MIZOFED manager FC Malsawmtluanga chuan, Serchhip mipuite'n gas hnianghnâr taka an dawn reng theih nan ṭanhopuiah official, consumer union leh YMA hruaitute chu a lo sáwm a ni.

Kuthnathawktute Ni
Mizoram sorkar buatsaihin district khawpui leh sub division hrang hrangahJanuary 14 hian Kuthnathaktute Ni hman a ni dawn a, a hman dan tur ngaihtuahin tun hnai khan offcial-te an
ṭhukhawm a, ruahmanna an siamfel tawh.