DC hoin Tlawng lei dawh mek tlawh

Bairabia Tlawng lei dawh mek chu nimin khan Kolasib DC H Lalengmawia hoin YMA Sub-Headquarters, Kolasib, Kolasib MJA leh Mamita NGO hruaitute'n an tlawh.

H Lalengmawia chuan, lei dawh mek chu Kolasib leh Mamit district-te'n an nghakhlel a, dawh zawh hun an thlir reng a ni tih lei dawhtute a hrilh a, "Kan rilru hria a, tha thlah loa hma la zel turin kan duh che u a ni," a ti a; an hnathawhnaah harsatna an tâwk a nih chuan puih theihna apiangah puih a inhuam thu a sawi.

Lei dawh mek tlawhtute hi PWD executive engineer R Zirsangliana leh ABCI project manager B Chanda ten an hnathawh dan an hrilh­fiah. R Zirsangliana chuan, contractor-te ngen angin chhun-zan zawmin hna an thawh tur thu leh labour pawh an inlâk belh tur thu a sawi.

Lei dawh hna hi November 2016-ah chhunzawm leh a ni a, cement chhun hna bik chu March 31, 2017-ah zawh hman tum niin, April thla tawp lamah a tuaihnûm hna zawh hman an tum. Lirthei tan zawh theih turin May 2017-ah hawn hman beisei a ni.