Kut hnathawktute ngaihthahah sorkar puh

MPC party ṭhalaite chuan thuchhuah siamin, Mizorama kut hnathawktute’n an thawhrim rah manhla takin an la hmu lo a, chhungkaw intun nun nana an la hmang pha lo reng niin an tarlang a, "Congress leh MNF ten kum 30 zet an sorkar chhunga kut hnathawktute an hlamchhiahzia a tilang chiang hleah kan ngai," an ti.

MPCY chuan, tunlai hian sawhthing leh serthlum chíngtute'n an thawhrim rah hralhna hre loin, mangang takin an hawihai mek nia sawiin, "Mizoram sorkarin an harsatnate buaipui tumna nei loa a haider lui tlat hi demawm kan ti tak zet. A rang thei ang bera sawh­thing leh serthlumte hi man man zawka leisak turin Mizoram sorkar kan phût tlat a ni," an ti.