ASF vangin vawk thih belh zel

Vawk pùl hri, African Swine Fever (ASF) vangin nimin khan Mizorama khua pangaah vawk 36 a thi a, kumin 2022 bikah khua/veng 29-ah ASF vangin vawk 1,589 a

thi tawh.

December 30, 2021 hnuah hun eng emaw chen Mizoramah ASF vanga vawk thi hriat tur a awm lo a, Animal Husbandry & Veterinary (AH&Vety) department pawhin ASF kaihhnawiha khuahkhirhna an siamte pawh an thlahdul hman a ni. Hetihlai hian, February 4, 2022 khan Champhai Electric Vengah ASF vanga vawk thi nia rinhlelh a awm a, zir chian a nih hnuah ASF vanga thi a ni tih March 7, 2022 khan finfiah a ni.

Kumin February 4 aṭanga nimin thleng khan Mizorama district parukah ASF hri a leng tih finfiah a ni tawh a, Aizawl district-ah vawk thi tam berin ASF vanga thi 701 a awm leh tawh.

Aizawl district-a Darlawn khuaah ASF vangin vawk 319 a thi tawh a, ASF hri lenna khua 29 zingah vawk thi tam berna a ni; February 4, 2022 aṭanga nimin thleng khan AH&Vety hriatpuinain vawk 285 suat a ni leh tawh bawk.