Mi 8,48,394-in Covid vaccine la tawh

April 30, Inrinni thleng khan Mizoramah mi 8,48,394 hnenah Covid-19 vaccine dose 15,74,610 pek a ni tawh a; kum 18-44 inkar mi 4,70,940 hnenah dose 8,46,632 pek tawh niin, hlawm ṭhen zingah vaccine la tamna ber a ni.

IDSP tarlan danin, Mizoram sorkarin hmun a buatsaih hrang hrangah Covid-19 vaccine dose 15,69,932 pek a ni tawh a, dose khatna 8,46,179, dose hnihna 6,83,082 leh precautionary dose 40,671 a ni. Private facility-ah dose 4,678 pek a ni tawh a, dose khatna 2,215, dose hnihna 2,260 leh precautionary dose 203 a ni.

January 16, 2021 aṭanga April 30, 2022 thlengin Mizoramah mi 8,48,394-in Covid-19 vaccine an la tawh a, chu'ng zinga mi 6,85,342 chuan second dose an la tawh.

Vaccine pek tawh zawng zawng chu dose 15,74,610 a ni a; health care worker 16,196, frontline worker 37,150 leh kum 60 chung lam 67,594, an vaiin mi 1,20,940 zinga mi 40,874-in precautionary dose an la tawh bawk.

April 30, Inrinni khan vaccine dose khatna 253, dose hnihna 619 leh precautionary dose 297 pek a ni a, a vaiin dose 1,169 a ni.