India rama pawi khawih tawh man nawn tamna ber Mizoram

Mizoram chu India ramah pawi khawih vanga man tawh, a hnua pawi khawih leh vanga man nawn tamna ber state a ni.

National Crime Record Bureau report thar berin a tarlan danin, kum 2020 chhung khan Mizoram chu India ramah pawi khawih tawh, pawi an khawih nawn vanga man nawn zat (recidivism rate) sanna ber a ni a; kum 2020-a Mizoram recidivism rate chu 37.8% niin, India ram state leh union territory zingah a sang fál hle.

Kum 2020 chhung khan Mizoramah a hmaa pawi khawihna vanga man tawh, pawi an khawih nawn leh vanga man mi 582 an awm a, an zingah kum tling lo an awm lo. Mi 582 zinga 570 chu pawi khawih vanga thiam loh chang tawh, pawi an khawih nawn leh avanga man nawn an ni a; mi 12 chu pawi khawihna hmasaa thiam loh la chantir loh an ni thung.

Mizoram dawta pawi khawihtu man nawn sanna ber chu Chandigarh a ni a, pawi khawih vanga man tawh zinga 19.1% chu man nawn an ni.

Recidivism rate hi pawi khawihtu, Indian Penal Code (IPC) hnuaia man tawh leh thubuai neite'n pawi an khawih nawn leh zat aṭanga teh a ni.