Cricket-a inelna khàrna CM-in hmanpui

BYJU's Mapuia Memorial Mizoram Cricket League chu April 30, Inrinni khan Suaka Cricket Ground-ah khâr a ni a, chief minister Zoramthanga'n khàrna inkhawm hmanpuiin, lawmman a sem.

CM Zoramthanga chuan, sorkarin infiamna chu industry-a a pawm tawh angin sport discipline hrang hrang chawi sàn a, eizawnna tlaka siam a ngai pawimawh tih a sawi a, "Cricket hi lungthu pawimawh tak a ni. Ṭhalaite tan eizawnna tling tak a ni thei a, GST-ah pawh mipui hman turin chhiah tam tak cricket aṭangin sum chhûn luh a ni," a ti.

Chief Minister chuan, Mizoramah cricket-in hma a sawn zel theih nan khelmual neih belh chungchang leh tuna khelmual neih mek tihchangtlun ngaite chu sorkarin a theih angin a ngaihtuah zui zel tur thu a sawi bawk.

BYJU's Mapuia Memorial Mizoram Cricket League hi April 21, 2022 aṭangin khelh a ni a, club paruk telin, Chhinga Veng Cricket Club an champion a ni.