US Ambassador a lo zin

13th January, 2017

India rama United States ambassador Richard Verma chu Mizorama zan khat riak turin nimin khan Aizawl a lo thleng.

US Ambasador hian nimin tlai khan Excise & Narcotics commissionerate a tlawh a, tlai dar 5-ah Raj Bhavan-ah Governor Lt.Gen. Nirbhay Sharma nen an inkâwm.

Richard Verma hi nizan khan chief minister Lal Thanhawla nen inkâwmin, CM-in zanriah leh cultural programme a buatsaihsak.

Vawiinah MSACS pisa a tlawh dawn a, ICFAI University zirlaite a kawm dawn bakah, press meet a nei ang a; chumi hnuah Mizoram a chhuahsan ang.