NE Theatre Festival ṭan

North East Zone Cultural Heritage, Ministry of Culture leh Art & Culture department ṭangkawpin an buatsaih, North East Theatre Festival 2017 chu nimin khan Vanapa Hall-ah ṭan a ni a, Art & Culture minister R Romawia'n a hawng a, vawiinah a tawp ang.

R Romawia chuan, lemchan hmanga Mizo hnam ziaráng entir leh phochhuahna hun ṭha tak buatsaih a ni chu lawmawm a tih thu sawiin, "He hun hi kan Mizo thawnthu leh kalphungte hnam dang, a bikin hmarchhak mite mithmuha lantirna hun remchang a ni," a ti.

Art & Culture Minister chuan, lemchan kûtpui neih chhung hian mi tinte'n an vanneihzia an hriat leh an ṭangkaipui ngei a beisei thu a sawi bawk.