Lirthei laka mipuite himna tur sawiho

Serchhip District Road Safety Committee chu nimin khan an chairman Dr Lalrozama, Serchhip DC hoin a pisaah an ṭhukhawm a, lirthei laka mipuite him dan tur an sawiho.

Dr Lalrozama chuan, India ram chhungah kawngpuia chetsualna a tam tih sawiin, "Nunna, sum leh pai leh hun kan hloh hi a tam em em a. Mizoram leh Serchhip district chhung ngeiah pawh vanduaina hi a thleng fo a, chuvang chuan heng chhiatna laka kan him a, hma kan sawn theih nan Road Safety Committee hi din a ni," a ti.

Kawngpuia chhiatna tam tak chu vanduai vang liau liaua thleng awm ṭhin mah se, fimkhur lohna leh ngaihthah vanga thleng a tam tih sawiin Serchhip DC chuan, "Nasa zawka inzirtirna leh inhrilhhriatna kan neih a pawimawh hle," a ti a; lirthei laka mipui an him theihna atana rua­hmanna ṭha tak siam a pawimawh thu a sawi.

Meeting-ah hian khaw tina YMA leh khawtlang huap chanchinbu awm angte hman ṭangkai dan zawn te, district chhunga chetsualna thlen zinna lai chhinchhiaha a venna awm­thei zawn te, Ser­chhip khaw chhunga kawng nék zawng leh tihnawk zawng­a bungrua leh hmanraw dahte thenfaite leh dan loa lirthei khalh leh neitute chunga khauh zawka hmalakte an rel a ni.