Rinhlelh thilah mi 3 dah lut

Covid-19 vei rinhlelh thilah nimin khan State Referral Hospital (SRH)-ah mi pathum dah luh thar an ni a, nimin vek khan an swab sample endik nghal a ni. SRH-ah hian hripui vei mi 23, mipa 20 leh hmeichhia pathum enkawl mek a ni a, Aizawl district mi vek niin, kum 3-56 inkar an ni.

Covid-19 vei an enkawl mek zingah nimin lama symptom lang (harsatna nei) mi paruk an awm a, ngaihtuahawm erawh an ni lo tih, SRH-ZMC Bulletin chuan a tarlang. Hetih lai hian, ZMC Laboratory-ah nimin khan mi 300 chuangte swab sample endik leh a ni a, he thu ziah lai hian result a la chhuak lo.