PC party-ah chhànna a awm - PC President

Peoples' Conference party president Lalhmangaiha Sailo chuan nimin khan an party pisaah thu sawiin, "Kan ramin mamawh tam tak a nei a, chumi mila hmalak a ṭul tak zet. A chhanna chu PC party policy leh programme-ah a awm a, tihlawhtling turin PC party hian a ngaihna kan hria," a ti.

Lalhmangaiha Sailo chuan, "Vawiin thlengin sorkarin ram leh mipui mamawh dik zir chiang loa hma a lak ṭhin avangin hmalakna a hlawhchham ṭhin. Kan ram leh mipui mamawh zir chiang hmasain sorkarin hma la se kawng tam takah kan intodelh ve tawh ang," a ti a; ram hmasawn leh intodelh tumna tak tak nei loin sorkar a kal rei tawh thu leh ram leh mipuiin an tawrh thu a sawi a ni.