Truck chesualah mi 3 thi

Pathianni zan zanlai pelh hnu, nimin zing dar 1 vel khan Mamit district-a Dâpchhuah khaw dáiah 407 truck chesualin, kawng thlangah a tla a, a chhunga chuang mi pathum, hnam dang vek an thi.

Dâpchhuah Branch YMA vice president Darliankhuma hnen aṭanga thu dawn danin, truck hi West Phaileng lam aṭanga Dapchhuah lam pana tlân a ni a, kawng thlangah metre 300 vel a lum a ni. A chhungah mi pathum, hnam dang, Bagha lam mi vek an chuang a; chetsualna hmunah mi pahnih an thi a, mi dang pakhat pawh Rawpuichhip damdawi-in thlenpui a nih hnuah a thi ve leh a ni.