Minister-in Hnahthiala officer-te a kâwm

Minister Dr R Lalthangliana chu nimin khan Hnahthial DC pisaah Hnahthiala sorkar officer-te a kâwm a, sorkar hmalakna leh hmachhawpte a sawipui.

Dr R Lalthangliana chuan, Hnahthial chu district thar a nih avangin sorkar hmunhma tihchangtlun tur leh hmasawnna hna thawh tur tam tak a awm thu a sawi a, "Hmachhawp kan neih hrang hranga hmalak tawh chin te, hmabak te, in mamawhte hriatpui che u a, a ṭul ang zela hmalakho ṭha ka ti a, inkawmhona buatsaih a ni," a ti a; district hotute'n an mamawh leh bawhzui mai theih chi an sawite chu ziaka a hnena hrilh turin a chah.

Hnahthial Press Club hmun tur tihfel vat a duh thu sawiin R Lalthangliana chuan, "A hmunhma tur a fel veleh a sakna tur sum chak taka dap nghal kan tum ang," a ti a; Bangladesh Commerce minister Tipu Munshi nen insumdawn tawnna leh inkalpawhna lama inbiakna an neih chungchang a sawi bawk.