KṬP General Conference

KṬP General Conference vawi 59-na chu zanin hian Kolasib-ah ṭan a ni dawn. KṬP inkhawmpui hi Kolasib khawpuia pastor bial pangain an inthlen ṭâwm a, Diakkawn khelmualah pandal sak niin, ft. 283X180-a zau a ni a, a chhungah mi 11,200 ṭhu leng tura ngaih a nih bakah, varanda-ah mi 5,000 ṭhu thei tura ngaih a ni bawk. Inkhawmpuia tel tur palaite'n vawiin hian Kolasib an pan dawn a, zaninah palai lawm inkhawm neih a ni ang. KṬP General Conference neih hun pangngai chu March 3-6, 2022 a ni a, hripui léng avangin May thlaah sawn hlat a ni.